About Me

My photo
PhD Candidate at Purdue University, Computer Science.

Friday, January 11, 2008

كلمات احبها

و ينفِلِت من بين إيدينا الزمان

كإنه سَحبة قوس في أوتار كمان

و تنفرط الايام عود كهرمان

يتفرفط النور و الحنان و الأمان

و ينفلت من بين إيدينا الزمان


الشر شرق و غرب داخل في حوشنا

حوشوه لا ريح شاردة تقشقش عشوشنا

حوشوا شرارة تطيش تشقق عروشنا

و تغشنا المرايات تشوش وشوشنا

و تهيل تراب ع الهالة و الهيلمان


الغش طرطش رش ع الوش بوية

ما درتش مين بلياتشو أو مين رزين

شاب الزمان و شقيت .. مش شكل أبويا

شاهت وشوشنا تهنا بين شين و زين

ولسه ياما و ياما حنشوف كمان


سيدحجاب

No comments: