إيه اللغة دي؟

كنا طالعين السلم و أدامنا اتنين بيتكلمو لغة غريبة.
صاحبي سألني: ايه اللغة دي؟
رديت بتلقائية: شكلها كدة بورتريكي
صاحبي طبعاً بصلي كدة بستغراب و مات على نفسو من الضحك: جبتها منين بورتريكي دي؟
أنا كمان طبعاً رحت ضاحك. أنا كنت بهذر و بأول أي كلام على سبيل الهياس.
فضلنا كل شوية نفتكر الموضوع دة و نضحك.

بعد شهر، صاحبي ماشي لقى واحد من الاتنين دول ماشيين ، فرح ال انها فرصة يسأل هما منين . الواد طلع من بورتوريكا بجد.
طبعاً صاحبي أعد يضحك أول ماسمع كلمة بورتوريكا دي كأن حد زغزغه و الناس استغربت مالو دة!