بعد طول انتظار .....أخيرا جه المرتب...مرتب أبو زيادة 30 % اللى الناس كانت بتحلف بيه .........
كما توقعت لم أحصل على أى زيادة و لا حتى ربع جنيه.
و فى مناقشة سريعة لطيفة مع واحد من الأخوة....قال لى ان الزيادة مش فى مصلحتك...
مش فى مصلحتى؟؟؟؟؟ ليييييه؟؟ يمكن يكونوا خايفين ان أخلاقى تفسد لما الفلوس تجرى فى ايديا!!! و الله فيهم الخير ، بس أنا عالعموم قلت أعمل اللى عليا و أروح أحلفلهم ميت يمين أنى مش هأنحرف لو أخدت زيادة....
و عندها صاحبى مسكنى و قال لى يا ساذج....أكيد مش ده السبب...لو أخدت علاوة الحكومة دلوقت هتبقى أقل من الزيادة اللى أنت بتاخدها أصلا فى الشغل.
أخخخ فاتتنى دى....
أيوة بس كده فى حاجة أنا مش فاهمها...مش المفروض أن الأسعار غليت عشان العلاوة بقت فى شهر مايو؟؟ طيب أنا كدة هأستنى لحد أغسطس!!!
يييييااااا حلاوه.
طب الزيادة اللى هاخدها فى أغسطس زى كل مرة؟ و لا هاتزيد؟
طبعا زى كل مرة...
مممم حسبى الله و نعم الوكيل
نفسى أفهم أنا ليه استغربت مع ان ده اللى أنا متوقعه أصلا من أيام الخطبة العظيمة....بس أرجع و أقول ان أكيد عقلى الباطن كان نفسه ان الحكومة تكبسنى. المواطن فعلا فعلا قوى..بياكل بالعافية، بياخد علاوة بالعافية، بيتعلم بالعافية، بيرشح بالعافية، بيشرب مية بالعافية، بيركب مواصلات بالعافية، بيخلص ورق بالعافية...و ..بالعافية...بالعافية....
ورغم كل ده صااااااااامد مؤمنا بقول الشاعر "و ما نيل المطالب بالتمنى"..
ها فى حد تانى عايز يدينى على قفايا؟؟؟؟
1 comment:
Sad but true U_U
Post a Comment